Shami kabab mage 93379347

شامی کباب

اگر آپ کو شوق ہے اپنے گھر میں اپنے ہاتھوں سے بہترین اور خستہ کباب بنانے کا تو ڈونٹ وری خبری منا کا کام ہے آپ کے لیے آسانیاں پیدا کرنے کی دعا کے ساتھ ساتھ کوشش کرنا۔ اسلیے ہم نے اس بار فیصلہ کیا ہے کہ کیوں نہ آج آپ کے ساتھ مل کر شامی کباب بنائے جائیں۔ تو چلیے ! بسم اللہ پڑھ کے شروع کرتے ہیں تاکہ برکت کا سامان بھی ہو اور ذائقہ بھی دوبالا ہو جائے۔

اجزاء:

 چکن بریسٹ۔۔۔۔۔۔۔۔۔۔ آدھا کلو

 چنے کی دال۔۔۔۔۔۔۔۔ آدھی پیالی

 نمک۔۔۔۔۔۔۔۔۔۔ حسب ذائقہ

 ادرک،لہسن پسا ہوا۔۔۔۔۔۔۔۔۔۔ ایک کھانے کا چمچ

 پیاز۔۔۔۔۔۔۔۔ دو عدد درمیانی

 پسی ہوئی لال مرچ۔۔۔۔۔۔۔۔۔ ایک کھانے کا چمچ

 سفید زیرہ۔۔۔۔۔۔۔۔۔۔۔۔۔۔ ایک کھانے کا چمچ

 دھنیا پسا ہوا۔۔۔۔۔۔۔۔۔۔۔ ایک کھانے کا چمچ

 دہی۔۔۔۔۔۔۔۔۔۔۔ دو کھانے کے چمچ

 مکس گرم مصالحہ پسا ہوا۔۔۔۔۔۔۔۔۔۔۔۔۔۔۔ ایک چائےکا چمچ

 انڈے۔۔۔۔۔۔۔۔۔ دو عدد

 آئل۔۔۔۔۔۔۔۔۔۔۔۔۔۔ تلنے کے لئے

ترکیب:

چنے کی دال کو دھو کر ایک گھنٹے پانی میں بھگو کر رکھ دیں، فرائی پین میں آئل کو دو سے تین منٹ گرم کر کے باریک کٹی ہوئی پیاز کو سنہری فرائی کر لیں۔
اس میں ادرک،لہسن،لال مرچ،زیرہ اور دھنیا ڈال کر زرا سا پانی کا چھینٹا دیتے ہوئے بھونیں۔
پھر اس میں دال کو پانی سے نکال کر ڈالیں اور اچھی طرح بھون کر دو پیالی پانی ڈال دیں،ہلکی آنچ پر ڈھک کر دال کو مکمل گلنے تک پکائیں۔
اس میں چکن او دہی ڈال کر ملائیں اور ڈھک کردرمیانی آنچ پر پانی خشک ہونے تک پکائیں۔
چولہے سے ااتار کر ٹھنڈا کر لیں اور پیس لیں اور اس مکسچر میں نمک،انڈے اور گرم مصالحہ ڈال کر اچھی طرح ملائیں۔ایک سائز کے کباب بنا لیں اور دس سے پندرہ منٹ فریج میں رکھ دیں۔
کڑاہی میں آئل کو تین سے چار منٹ گرم کریں اور کبابوں کو گولڈن فرائی کرلیں۔

Leave a Reply

This site uses Akismet to reduce spam. Learn how your comment data is processed.