Elephant smoker

بھارت میں کش لیتی ہتھنی کی ویڈیو سوشل میڈیا پر مقبول

انسان تو اکثر سگریٹ یا حقے کا کش لگاتے نظر آتے ہی ہیں جنہیں دیکھ کر کبھی حیرانی نہیں ہوتی لیکن جب کوئی جانور کش لیتا دکھائی دے تو ماہرین بھی دنگ رہ جاتے ہیں۔

بھارت کی ریاست کرناٹکا کے ایک جنگل ناگرہول میں ایک ہتھنی کی ویڈیو نے ماہرین کی توجہ اپنی جانب مبذول کرلی ہے، جسے کش لیتے دیکھا جاسکتا ہے۔

یہ ویڈیو 2016 میں بھارت کے وائلڈ لائف کنزرویشن سوسائٹی کے سائنسدان ونے کمار نے ریکارڈ کی تھی جسے اب ریلیز کیا گیا ہے۔

ونے کمار نے یہ ویڈیو 2 سال بعد اس لیے جاری کی کیونکہ اُس وقت انہیں اس کی اہمیت کا اندازہ نہیں تھا۔

ویڈیو میں دیکھا جاسکتا ہے کہ ہتھنی جنگل میں لگی آگ بجھنے کے بعد وہاں پڑی راکھ کو اپنی سونڈ سے اُڑا رہی ہے، جسے دیکھ کر لگتا کہ وہ مزے سے کش لے رہی ہے۔

اس حوالے سے سائنس دانوں کا کہنا ہے کہ ہاتھی راکھ کو دوا کے طور پر استعمال کرتے ہیں جس پر مزید تحقیق بھی جاری ہے۔

سائنس دانوں سمیت دیگر لوگوں کے لیے بھی یہ منظر بالکل نیا ہے، جس کی ویڈیو سوشل میڈیا پر مقبول ہوگئی ہے۔

Leave a Reply

This site uses Akismet to reduce spam. Learn how your comment data is processed.