Ranbir kapoor sanjay k role me

’سنجو‘ کے رنبیر کو دیکھ کر لوگ سنجے بھول جائیں گے

بولی وڈ اداکار رنبیر کپور بہت جلد سنجے دت کی زندگی پر بننے والی فلم ’سنجو‘ میں کام کرتے نظر آئیں گے، جس کی ریلیز قریب آتے ہی فلم ساز ایک کے بعد ایک پوسٹرز ریلیز کرتے جارہے ہیں۔

ہدایت کار راج کمار ہیرانی نے اپنے مداحوں سے وعدہ کیا کہ وہ اب سے ہر روز فلم سے رنبیر کپور کا ایک پوسٹر ٹوئٹر پر ریلیز کریں گے، جس میں وہ سنجے دت کی زندگی کو پیش کریں گے۔

جس کے بعد انہوں نے رنبیر کپور کا سنجے کے روپ میں نیا پوسٹر ریلیز کردیا، جسے دیکھ کر پہچاننا مشکل ہورہا ہے کہ یہ سنجے دت ہیں یا رنبیر کپور؟۔

یہ پوسٹر اس وقت کا ہے جب سنجے دت کو 2016 میں جیل سے رہا کیا گیا تھا۔

خیال رہے کہ رواں ماہ 24 اپریل کو ہی ’سنجو‘ کا پہلا ٹریلر ریلیز کیا گیا تھا۔

فلم کی شوٹنگ ختم ہونے کے بعد ایک انٹرویو میں رنبیر کپور نے بتایا تھا کہ ان کے لیے سب سے زیادہ مشکل سنجے دت کی جوانی کو پیش کرنا تھا، جبکہ سب سے زیادہ مزہ انہیں منا بھائی بن کر آیا۔

اس فلم میں جہاں رنبیر کپور نے سنجے دت کا کردار ادا کیا ہے، وہیں دیا مرزا نے سنجے دت کی اہلیہ جب کہ منیشا کوئرالہ نے ان کی والدہ کا کردار ادا کیا ہے۔

Ranbir in sanju film

پاریش راول سنجے دت کے والد کا کردار ادا کرتے نظر آئیں گے، فلم کو ونود چوپڑا فلم اور فاکس اسٹوڈیوز کے اشتراک سے رواں برس 29 جون کو ریلیز کیا جائے گا۔۔

Leave a Reply

This site uses Akismet to reduce spam. Learn how your comment data is processed.